Gonbad-e Kawusda 253 işçi çagany anykladylar

Gonbad-e Kawus Ruhy saglyk we jemgyýetçilik edarasy başlygy jemgyýetçilik, medeniýet, saglyk we maşgalalar boýunça hünärmen toparyň ýygnagynda bu etrapda goldaw we bilim merkeziniň gatnaşmagy bilen 253 işçi çaganyň anylandygyny habar berdi. Tohra Türkmen sahrasynyň adam hukuklary işjeňlerine görä, IRNA agentliginiň maglumatyna salgylanyp, Mahmud Piri 1403-nji ýylyň 22-nji mährinde (13-nji oktýabr) aýtdy: soňky üç ýylda Goldaw we bilim merkezi bilen hyzmatdaşlykda durmuşyň ýaş kökleri programmasy esasynda Gonbad-e Kawusda 171 Eýran raýaty we 82 daşary ýurt raýaty bolan işçi çagalaryň anylandy.

Gonbad-e Kawus Ruhy saglyk we jemgyýetçilik edarasy başlygy işçi çagalaryň esasy işleri hökmünde mazary arassalamak, kömekçilik, ýoldaşlyk, satuw, zähmet we dilençilik bilen meşgullanmagy, şeýle-de artykmaç önümleri satmagy belledi. Ol şeýle diýdi: «Olaryň 201-si ene-atasy bilen, 40-sy diňe ene bilen, 12-si diňe ata bilen ýaşaýarlar». Ýöne, Tohra bilen alnyp barylýan barlaglar işçi çagalaryň hakyky sanynyň resmi berlen sanlardan has ýokarydygyny görkezýär.

Soňky ýyllarda Türkmen sahrasynyň köp çagasy iş mümkinçilikleriniň azlygy we ykdysady kynçylyklar sebäpli ene-atasy bilen bilelikde Tehrana meňzeş uly şäherlere göçmäge mejbur boldy.

Her ýyl onlarça Türkmen çagasy iş wagtynda döreýän hadysalaryň pidasy bolup ölüme sezewar bolýar.